صدقنى هبطل احبك
هعلم القلب هجرك
مش هيزورنى الشوق تانى
ولا هسهر اجمع احزانى
صدقنى هنسي هوالك
وهنسي كل الذكريات
والدموع والاهات
ولمسه ايديك وبسمه عنيك
صدقنى هدوس ع الاشواق
وهعلم قلبي ينسي كلمه مشتاق
وجفونى تنسي دموعى
صدقنى هقدر اعيش بعدك
مش اول قلب يتخان
ولا يوم هتخلص الاحزان
والجروح ف يوم هتنكوى بنار البعاد
والدموع هتمسحها الضحكات
هرجع زى زمان
انسان عمره ما خان
ولا ذاق طعم الاحزان
وعيونه تنام لياليها
واحلامه تطول امانيها
صدقنى هبدا من جديد
وهلاقي لقلبي حبيب
والعمر هيبدا من جديد
وهنسي اللى كان
الجرح والالام
ولا كأن القلب داق حرمان
وآسي ليالي النسيان
صدقنى هبطل احبك
وهلاقي قلب غير قلبك
هناك 3 تعليقات:
يا زلابيا يا جامد .. حلوه اوى .. والله وطلعت رومانسى اهو يا عم ماشى ماشى .. بنكتشف فيكي كل يوم حاجه جديده .. مستنيين برده 15 مارس
على الرجل ان يقرر اما يحب المراة او ان يفهمها ده مش رايى اكيد لانه ممكن يحبها ولو حبها هيحاول يفهما ومش هيبقى محتاج يصدقها او لا انها هتقدر تعيشى بعده والحياة هتبقى بمبى وانا جنبك وانت جنبى القصيدة حلوة خالص
لأ حس عالى بجد
و يارب يحقق امانيكى
إرسال تعليق