ليه يا ناس مبقاش فى قلوبكم احساس
ليه يا ناس بقينا عايشين كده وخلاص
كله بيسابق كله
على رغيف عيش او حتى كرسى ف ميكروباص
الحق شوف ده احنا بقينا ببلاش
ليه يا ناس ما بقاش فى قلوبكم احساس
ليه يا ناس بقينا عايشين كده وخلاص
ايوه يا عم وهعمل ايه مافيش ف جيبى خمسه جنيه
وبتقولى متنكد ليه
ويقولوا شباب ضايع فسدان
مافيش ف دماغه الا الجنان
طب قولى ده كلام
ده احنا يا ناس جيل غلبان
ذاكر وكافح علشان يكون انسان
زاى ما الدنيا غليت التنسيق جاله جنان
انا انسان
كان كل حلمى اكون فنان
اكتب اشعار وألف واذيع كمان
ذاكرت وتعبت ومقررتش اعيش جبان
وادى حلمى طلع كله دخان
وصحيت لقيت الاحلام كلها بقيت كلام
ده مش انا لوحدى ده ياما فى كلام
اللى نفسه يبنى ويعمر وفى الاخر بقى اى كلام
واللى نفسه يناقش ويقرر ومبقاش لحلمه مكان
ويقولوا علينا جيل فسدان
ياسلااااااااااااااااااااااااااااااااااااااااااااااااااااااااام
وتقولى متنكد ليه
عايز اتجوز وديه فيها ايه؟
احسب معايا عايز ايه
شقه 100 ألف جنيه
وشبكه 50 ألف جنيه
غير جهاز وفرح وكلام مش عارف ايه
وتقولى متنكد ليه؟
طب انت مش حاسس ليه؟
والناس بتدوس على ناس
يا ناس احنا جيل بكره
ياريت تدونا فرصه
نفسنا نعيش لحظه
من غير ما تقولوا علينا جيل فسدان
والله ده احنا جيل غلبان
عايش على الاحلام
وملحقش غير اوهام
وتقولوا جيل فسدان
هناك 5 تعليقات:
احنا فعلا جيل غلبان احنا جيل مش لاقيله مكان فى وسط دنيا توهان وادينى كمان وكمان وريهم الجيل الفسدان اللى بيقولوا عايش ولا البتنجان
لا الكلام جامد يا قمر ومستنين اشعارك القادمة بفارغ الصبر
الكلام بسيط و فى نفس الوقت جميل وبيعبر عن مشاكل كتير ... برافو يا زلابيا
لأ يارب تتجوزى
ودى فيها ايه؟
الجيل ايه
ده نجيل
بسم الله الرحمن الرحيم
زلابيا مبروك اول حاجه تشوف النور منك وتتنشر ف جريدة الجامعه
جامدا جدا جدا طبعا ويا رب كده دايما
بيبيتو
إرسال تعليق