‫‫‫‫‫‫قبل ما انفجر زى البركان
وابدا اقول اي كلام
انا لا هسمع اى سلام
ومش عايزه اشوفك حتى ف المنام
خليك نايم بردان
ما ياما نمت ف ف حضنى دفيان
انا مش عايزه اعتذار ولا ملام
انا خلاص بقيت تعبان
من نفس اللى كان
ف ده الزمان
تبعد وتقول تعبان
والدنيا ادامك بالالوان
وانا م الدنيا دي بقيت زهقان
هسيبك يمكن يفوقك الزمان
ياللى تعبت فيك ملام
من بعدك وظلمك
ومن غير كتر كلام
انا زى البركان
ثاير ومجنون‬

مين قال

مين قال حبي قل
حبك ف دمي عمره ما يقل
انا بس ف قلبي ليك شكوي
بعدك بيزيد القسوه
من غير عتاب من غير كلام
انا قلبي منك زعلان
لانه عليك هان
وحس انه زى اى انسان
سهل تبعد عنه
ومتسألش عليه كمان
ايوة ف قلبي ليك لوم
متغير معاه من كام يوم
سهر كتير من غير نوم
يفكر ازاى عليك هان
ازاى قدرت تسيبه زعلان
مصعبش عليك دمع عينيه
ولا حسيت برعشه ايديه
ايوة قلبي عليك خايف
لانك مش شايف
كلها كام يوم ونبقي بعيد
والبعد بينا شئ اكيد
هما كام يوم بس قلبي حسيبهم سنين
وجاى النهارده بعتاب ولوم
قولتلك ملوش لزوم
القلب فيه كتير
والجرح م غيرك كبير
ملوش لزوم تقسي عليا
وترجع تقولى مش بايديا
اصل انا كنت تعبان
وبقالى كام ليله مش بنام
وبدل ما تنسي ف حضنى الاحزان
زودتها علينا كمان!!

ساعه مغربيه

كانت ساعه المغربيه
والبحر كبير اوى ادام عنيا
وبعيد الشمس بتستغيث بيا
والبحر يغطيها وانا ايه بايديا ؟؟
دانا رجلى مش شيلانى م كتر الهم اللى بيا!!
هتقولى انت شوفت ايه من الدنيا؟
يااااه انا ياما شفت لما شاب شعري وانا لسه صحتى فيا
والحزن رسم ف وشي العجز لما بان عليا
يابنى دانت لسه ابن امبارح
ما من امبارح شوفت ياما يا ناس
دانا صاحبي باعنى ف وسط الطريق
مطلعش اصيل ورفيق
باعنى من اول خصام
من غير عتاب ولا كلام
خد شنتطه وسابلي الطريق
فضلت ماشي ف ليل طويل
وحدى بدندن م الوحده يا عين يا ليل
لقيت قعده وناس سهرانين
شكلهم مبسوطين
قولت اقعد معاهم يمكن ابقي ليهم صديق
رميت سلام والكلام جاب كلام
كلمه ف سؤال ف حدوته
حدوتى مش ملتوته
دانا لسه ابن امبارح والجيب مفهوش سايب
كل الموجود كام جنيه
ينقعوا بس ف ايه؟؟؟
وفجأه القعده مبقتش مظبوطه
انا جيت ع الجرح ولا ايه
ايه انا عملت ايه؟؟
الضحك قلب حسرة
والدمعه بقيت منكسره
كل واحد ف قلبه حدوته
لا فيها ضحكه ولا حتى هى صغنطوته
سيباهم ومشيت
وهمهم ف قلبي حطيت
ورجعت ادندن تانى طب اعمل ايه
ما الوحده مش سيبانى
مشت وانا بدندن لحد ما رجليا اننت
ايه تعبت من الطريق!!
قولت اقعد ارتاح
قعدت لوحدى مش ناقصه جراح
قعد قدامى حبيبين
قولت شكلها لسه بخير
مفيش ثوانى ولمحت دمع مالى العين
م غير ما يحكوا فاهم ايه بكى العين
ابوها عايز قايمه ومهر وشقه
وهو ظروفه مش مساعده
طب يا عمى بحبها
حبك لا هياكلها ولا يدوم لها
وقومت تانى وزاد ف قلبي جرح تانى
قولت مفيش غير البحر
اشكيله همومى
رحت لقيت الشمس غرقت من كتر الهموم
والبحر ثاير وعايز يرمب همومه
يعمل ايه الحمل تقيل عليه
سألته طب اعمل ايه؟
قالى يا ابن امبارح كان غيرك عملوا ايه
دمع ف حضن الليل دمعتين
والصبح عيشوا مع العايشين
وكلها كام يوم وتبقي بين ايدين الكريم
يرحمك ويرحمنا اجمعين

صدق نفسك

صدق نفسك اكيد هتقدر
صدق نفسك اكيد هتوصل
ايوه في يوم هعدى بحور
ع جناحين عصفور
صدق نفسك ليه مش معقول
ف يوم هسكن قصور
واعمل بايدي دستور
ليه مبهور؟
ما كل حاجه كانت في يوم حلم
وكام ليله وكام يوم بقيت علم
صق نفسك اكيد هتوصل
صدق حلمك اكيد هيحصل
صدق نفسك وابدأ حقق
خليك واثق انك هتحقق
حاجه اخرها صمتك
حاجه نفسها تتحقق
حلمك بينادى عليك
فاتحلك ايده بيقولك ياريت
ياريت تصدقنى ياريت
صدقنى هتقدر
صدقنى هتوصل

احسست الغربه

احسست الغربه داخل نفسي

لا هذه انا ولا تلك انفاسي

ليست تلك ضحكتى ولا تلك دمعتى

احسست بالخوف داخل حضنى

اسوار واسوار بنيت بينى وبين نفسي

أهذا فكري وهذه افكاري

ام شيطانى قد افسد اسراري

أهذه انا ام هذا خيالى

لما نظرة عيني خادعه وتعودتها صافيه

لما يداي مرتجفه وكانت دوما منبسطه

لما احتقن صوتى بالبكاء وكان يعلو بالغناء

أتلك انا ام هذا شيطانى

يسرق منى ايامى

والدمع سنوات تسقط امامى

ورعشه بدنى تنذر بتوهان

أهذا ايام شبابى ام هذا مماتى

جت لاعيش ايامى

اتوه ف نفسي واتسال عن عنوانى

وحينما احسست بغربتى داخل بدنى

ايقنت انها اخر ايامى

ومالى م سبيل اخر غير احزانى

فيا اخر دموعى وانفاسي

يا قيود زمانى

اغلقي زنزانتى ف صدري

واوصدي ابوابي

فلست انا بخائفه وانا بين ذراعيا

فالان قد حان موعدي

ولا انا اخر انسان

لما احببت!!

تسألت دوما لما تحب المرأه؟
ماذا تحتاج من الحب؟ولما تحتاج لرجل ف حياتها؟
ظل السؤال عالق ف ذهنى ايام طوال ابحث عن جواب فلا اجد له جواب.!!
الي ان احببت فانتفض قلبي يردد وجدتها وجدتها!!
انه ذلك الشعور بالضعف بين ذراعيه
الشعور به يحمينى..... يحطينى..... دائما بجواري
الشعور به كصديق كاخ كرفيق
وفي زحام الحياه ترك يدي!!
من اجلى ذهب!!
من اجلى انا!!
ليكون لي تركنى!!
شعرت بالضياع وتعذب قلبي وتألم من اجله عقلي
حتى ثار واعلن العصيان
وعاد بي لدربي ولكن بدونه
فاصبحت صديقه نفسي!
واصبحت رفيقه قلبي
وذهب هو اخذته الحياه منى
اعلم ان ذلك من اجلى ولكن....
انطفئ في قلبي حاجتى له
اصبحت انا رجل نفسي
اصبحت احتضن نفسي لاشعر بالضعف والقوه معا
اهذا خطئ ام خطئه ام انها الحياااااه!!
بها اللقاء دون ان تريده وبها الفراق دون ان تحسب له!!!

بعد الفراق

بعد الفراق هيفيد بايه
بعد الوداع هتقول ايه
ايه تفيد الدموع وليه تحاول الرجوع
ليه تفكر ف اللى كان
وتندم ع الايام
متقولش قسيت عليك
متقولش بكيت عينيك
ليه تنسي الايام
ايام ما قلبك كان بين ايديا
علمته يحس بيا
عرفته يخاف عليا
وخليته يعيش انسان
محيت جراح زمان
عرفته طعم الحنان
وبعد كل اللى كان
رجع بالزمان
رجع للي حبه وخان
رجع للي يزودله الاحزان
وانا مصعبتش عليه
نسي اللى عملته ليه
طب كان يجرح قلبي ليه
وبعد ما رجعت الايام
والجرح بقي اكبر م زمان
راجع يقولى سامحيني
عذاب قلبي بيكوينى
راجع يدور ع الحنان
فاكرنى لسه انسان
نسي جرح الزمان
اللى محى من قلبي الحنان
وزرع جواه القسوة والاحزان
وعلمه العذر والخيانه
وان للمشاعر اتمان
وان لسه ليا عندك كلام
لسه تمن ايام زمان
لسه تمن جرح دويته بالاحلام
لسه تمن قلب عيشته ف حنان
لسه عليك دين من زمان
هخده دموع والام
هخده بموت الاحلام
هخده واعلم بيه الايام
اللى يجرح لازم يتخان
لازم يدوق الذل والهوان
لازم يدفع تمن قلب اتخان