مين انا؟

مين انا ليه انا

ليه مش عارف نفسي

ليه مش فاهم فكري

ليه بامشي ف طريق اخره نور

والفي اخر النور غيوم

ليه كل اللى احبه واوفي ليه

يجرحنى ويدوس ع قلبي ليه

مين انا ليه انا

انا الحبيب المظلوم ولا الجارح القاسي المحروم

مين انا ليه انا

ليه انا واقع ف حيره

من ماضي ضاع ومستقبل مليان غيرة

غيرة من اللى عرف طريقه

غيرة من اللى فهم صديقه

اللى عرف طعم الراحه والامان

اللى عرف طعم الحب والحنان

مين انا وليه انا

ماشي ف طريقي من غير هدي

لا حبيب صبر ولا صديق وفي

مين انا وليه انا

ليه كل حلم ببنيه

ارجع وبايدي امحيه

سفينه العمر سايرة بيا

ف بحر الحياه وموجه عالى عليا

وخلاص عمري مبقاش بايديا

راح ما بين حيرة وقاسيه

قسوة زمانى عليا

قسوة حبيب عنيا

قسوة قلبي اللى مش عارف اللى بيا

العمر راح وانا لسه ف اوله

العمر عدى وانا لسه بحنله

لسه قطر الحياه ف اول محطاته

وانا قطر حياتى وقف عن حركاته

مين انا وليه انا

من السعاده عشت كتير محروم

انا من الهموم وعشت حياتى ف غيوم

مين انا وليه انا

العمر راح ف السؤال

لا لقيت الرد ولا عشت العمر ف احلام

احلام حققتها او محققتهاش

احلام عشتها او معشتهاش

احلام سهرت فيها ليالى

حستها ف ضوء القمر

سمعتها ف همسه سمر

احلام قلبي بعد عنها

وعمري انحرم منها

احلام جت بعد الاحزان

بعد ما القلب عاش ندمان

ع سؤال ضايع منه اجمل ايام

مين انا وليه انا؟

حكايه حب

مسك قلم وكتبت حكايه
حكايه حب وآيه
آيه ف الحب والطهارة
آيه ف الصدق والسلامه
كان يا ما كان كانت الحكايه
بدات باصغر بدايه
ضحكه لنور الشمس وبدات يومها
ماشيه وفرحانه بدنيتها
وف عز فرحتها
قبلت جنتها
قبلت القلب الطيب الحنون
قبلت الضحكه اللى كلها جنون
وباصغر بدايه بدات حكايه
حكايه ملهاش نهايه
لا بجرح ولا خيانه
حتى البعد مكنش نهايه
ديه حكايه معنى الحب
ف زمن تاه فيه الحب
ديه حكايه ضحكه الدموع
وفرحه الغيوم
ديه حكايه ولا الف حكايه
ديه حكايه حب آيه

اخترت الفراق

انت اللى اختارت الفراق
مترجعش تقول مشتاق
متحلمش بايام زمان
انسي الحب والحنان
انت الللى اختارت الفراق
مترجعش تقول مشتاق
قلبي بينسي اللي ينساه
ولا عمره يبقي على هواه
ولا عيني بتبكي ع اللى فات
ولا عمرى هقول كان ليا حب ومات
قلبي مش هينده عليك
ولا هيبكي بين ايديك
ولا هيبقي ع ذاكراك
قلبي هينسي الحكايه
ولا هيسال ليه النهايه
قلبي عارفك من زمان
قلبك ملوش امان
ولا عمري حسيت ف حضنك بالحنان
مترجعش تقول محتاجلى
وان البعد بيجرحنى
وان قلبك بيدق ف هوايا
وان المك ملهوش نهايه
الا وانت ف حضن هوايا
مترجعش تطلب السماح
وتقول قلبك ف بعدي مش مرتاح
قلبي مبيحبش الجراح
ولا عمره هيهوي خداع
مترجعش تقول نرجع اللى كان
قلبك ملوش مكان
وحبك مش هيفضل طول الزمان
انت اللى ضيعت الاحلام
مترجعش تقول ندمان
بلاش الالم والاحزان
بلاش الندم والاحلام
انت اللى اخترت الفراق
مترجعش تقول مشتاق

صدقنى

صدقنى هبطل احبك
هعلم القلب هجرك
مش هيزورنى الشوق تانى
ولا هسهر اجمع احزانى
صدقنى هنسي هوالك
وهنسي كل الذكريات
والدموع والاهات
ولمسه ايديك وبسمه عنيك
صدقنى هدوس ع الاشواق
وهعلم قلبي ينسي كلمه مشتاق
وجفونى تنسي دموعى
صدقنى هقدر اعيش بعدك
مش اول قلب يتخان
ولا يوم هتخلص الاحزان
والجروح ف يوم هتنكوى بنار البعاد
والدموع هتمسحها الضحكات
هرجع زى زمان
انسان عمره ما خان
ولا ذاق طعم الاحزان
وعيونه تنام لياليها
واحلامه تطول امانيها
صدقنى هبدا من جديد
وهلاقي لقلبي حبيب
والعمر هيبدا من جديد
وهنسي اللى كان
الجرح والالام
ولا كأن القلب داق حرمان
وآسي ليالي النسيان
صدقنى هبطل احبك
وهلاقي قلب غير قلبك

جيل فسدان

ليه يا ناس مبقاش فى قلوبكم احساس
ليه يا ناس بقينا عايشين كده وخلاص
كله بيسابق كله
على رغيف عيش او حتى كرسى ف ميكروباص
الحق شوف ده احنا بقينا ببلاش
ليه يا ناس ما بقاش فى قلوبكم احساس
ليه يا ناس بقينا عايشين كده وخلاص
ايوه يا عم وهعمل ايه مافيش ف جيبى خمسه جنيه
وبتقولى متنكد ليه
ويقولوا شباب ضايع فسدان
مافيش ف دماغه الا الجنان
طب قولى ده كلام
ده احنا يا ناس جيل غلبان
ذاكر وكافح علشان يكون انسان
زاى ما الدنيا غليت التنسيق جاله جنان
انا انسان
كان كل حلمى اكون فنان
اكتب اشعار وألف واذيع كمان
ذاكرت وتعبت ومقررتش اعيش جبان
وادى حلمى طلع كله دخان
وصحيت لقيت الاحلام كلها بقيت كلام
ده مش انا لوحدى ده ياما فى كلام
اللى نفسه يبنى ويعمر وفى الاخر بقى اى كلام
واللى نفسه يناقش ويقرر ومبقاش لحلمه مكان
ويقولوا علينا جيل فسدان
ياسلااااااااااااااااااااااااااااااااااااااااااااااااااااااااام
وتقولى متنكد ليه
عايز اتجوز وديه فيها ايه؟
احسب معايا عايز ايه
شقه 100 ألف جنيه
وشبكه 50 ألف جنيه
غير جهاز وفرح وكلام مش عارف ايه
وتقولى متنكد ليه؟
طب انت مش حاسس ليه؟
والناس بتدوس على ناس
يا ناس احنا جيل بكره
ياريت تدونا فرصه
نفسنا نعيش لحظه
من غير ما تقولوا علينا جيل فسدان
والله ده احنا جيل غلبان
عايش على الاحلام
وملحقش غير اوهام
وتقولوا جيل فسدان

ليله الرحيل

كانت ليله الرحيل
والمطر كان غزير
والناس مثل الطيور تطير
تحتمى تحت الاشجار حتى اصبح الطير طريد
وكنت انا الى جواره اسير
يحمينى شوقه من البرد والسقيع
وكفي بين كفيه اسير
واستمر المطر كدموع فتاه يوم فراق الحبيب
واخذ النهار ف المغيب
وبين صوت هروب البشر
وصوت الرعد الرهيب
جذبنى الى صدره وهمس يطمئنى كاننى طفل صغير
يربت ع راسي ويدندن لي ويحكى لى اساطير
حتى اصبحت ف خيالا اسير
المس اوراق الورود واكتشف انى المس شفتاه
اتحسس ضوء الشمس ع وجهى واكتشف انه بريق عيناه
اسمع تغريد الطيور ف اذنى وما هو الا غناه
وبقيت بين ذراعاه
راسي نائمه ع صدره
وجفنى غفا ف حماه
يشعل لى نار شوقه فيدفئنى بها
ويسقينى من دموع عينه فارتوى
ويغيطنى برموش عينه فاحتمى
وهدات العاصفه واشتعلت ف صدره عاصفه
لقد حان موعد الرحيل
قبل ان يصبح الليل كحيل
حان وقت توقف قلبان عن نبضهما
توقف عاشقان عن وصلهما
صوت القطار يصرخ انه حان موعد رحيلى
حان موعد دموعى
حان موعد عذابي
وها هو يقف قربي دمعه يسيل ع خدى
يطلب منى عدم الرحيل
ولكن ليس بيدي بديل
انه حكم الجليل
نفترق لنلتقي من جديد
لن يقل الحب ف صدري ولو قليل
تعلم ان حبك ف قلبي اسير
ها هو القطار يعاود الزئير
الوداع يا من باسرار القلب خبير
لا تبكي فلن يوقف هذا الرحيل
الوداع يا من له العمر ولو كان قصير
الوداع الى ان يحين اللقاء من جديد

اهلا بيكوا احلى شباب

هاى يا احلى واجمد شباب ف الجمهوريه كلها طبعا لانكوا قررتوا انكوا تقروا مدونتى فاكيد انتوا شباب جامد يارب يارب تعجبكوا الحاجات اللى فيها
وف اول رساله ع المدونه لازم يكون فيها شكر للشخص الى اختار اسم المدونه الشكر كل الشكر ليه ميرسي جداااااا
ملحوظه: الحد ده اختاره بالصدفه بس ما علينا