مين انا ليه انا
ليه مش عارف نفسي
ليه مش فاهم فكري
ليه بامشي ف طريق اخره نور
والفي اخر النور غيوم
ليه كل اللى احبه واوفي ليه
يجرحنى ويدوس ع قلبي ليه
مين انا ليه انا
انا الحبيب المظلوم ولا الجارح القاسي المحروم
مين انا ليه انا
ليه انا واقع ف حيره
من ماضي ضاع ومستقبل مليان غيرة
غيرة من اللى عرف طريقه
غيرة من اللى فهم صديقه
اللى عرف طعم الراحه والامان
اللى عرف طعم الحب والحنان
مين انا وليه انا
ماشي ف طريقي من غير هدي
لا حبيب صبر ولا صديق وفي
مين انا وليه انا
ليه كل حلم ببنيه
ارجع وبايدي امحيه
سفينه العمر سايرة بيا
ف بحر الحياه وموجه عالى عليا
وخلاص عمري مبقاش بايديا
راح ما بين حيرة وقاسيه
قسوة زمانى عليا
قسوة حبيب عنيا
قسوة قلبي اللى مش عارف اللى بيا
العمر راح وانا لسه ف اوله
العمر عدى وانا لسه بحنله
لسه قطر الحياه ف اول محطاته
وانا قطر حياتى وقف عن حركاته
مين انا وليه انا
من السعاده عشت كتير محروم
انا من الهموم وعشت حياتى ف غيوم
مين انا وليه انا
العمر راح ف السؤال
لا لقيت الرد ولا عشت العمر ف احلام
احلام حققتها او محققتهاش
احلام عشتها او معشتهاش
احلام سهرت فيها ليالى
حستها ف ضوء القمر
سمعتها ف همسه سمر
احلام قلبي بعد عنها
وعمري انحرم منها
احلام جت بعد الاحزان
بعد ما القلب عاش ندمان
ع سؤال ضايع منه اجمل ايام
مين انا وليه انا؟
هناك 4 تعليقات:
سؤال مهم اجابته اصعب من امتحان التفاضل والفيزياء لو عرفت مبن انا وليه انا اعتقد هرتاح ايون كده عاوزين حاجات جامدة على طووووووووووول
السلام عليكم ورحمه الله وبركاته
ازيك يازلبيه
عمله ايه
يارب تكونى بخير
بجد كل بوست بتعلى عن التانى واتمنى من الله لكى كل التوفيق وان تحققى كل امنياتك واحلامك
بس بجد السوال دة مهم جدا يمكن ناس كتير بتسال السوال دة لنفسها بس اللى يجاوب عليه هو دة اللى يحس بمعنى الحياة والراحه
واتمنى من الله ان تجدى اجابه هذا السوال
وطمنينى عليكى واخبار النتيجه ايه
ان شاء الله تقدير
والله الموفق
السلام عليكم ورحمه الله وبركاته
صديقتى زلابيه
ماأجمل كلماتك التى قراتها لكِ
ولكن هنا لحظه فراق
صديقتى دمتى بكل حب وخير
فالنفترق
صديقتى انتِ مش المقصوده بالكلمه دى
انما الكون باكمله
والله الموفق
تركت بوست اخير
اتمنى ان تذهبى لمدونتى وتقرائيه
سؤال جميل ومدونه اجمل بجد ودى اول زياره ليا واتمنا اكون ضيف دائم ممكن
إرسال تعليق